Os nosos clientes achegan 34.149 € á Asociación Española contra o Cancro (AECC). É o total recadado durante a recente campaña solidaria “A compra da túa vida”, que levamos a cabo nos 222 Supermercdos Gadis de Galicia e Castela e León entre os días 7 e 16 deste mes de febreiro.
Desde Gadis, queremos destacar o respaldo dos nosos clientes a esta importante causa social. Unha colaboración que este ano aumentou un 135% con respecto ao pasado, o que é motivo de agradecemento pola nosa parte. Os fondos recadados irán destinados a sufragar proxectos de investigación e ao benestar dos pacientes.
Con motivo do Día Mundial Contra o Cancro, a AECC organiza anualmente “A compra da túa vida”, iniciativa na que participamos por cuarta vez en 2025. A mobilización e a nosa implicación no seu desenvolvemento favoreceu que a colaboración económica aproxímese aos 80.000 € nestes catro anos.
Gadis, coas persoas
Abordamos o noso propósito de crear impacto positivo no benestar das persoas cunha visión multidisciplinar, que recolle no seu programa de Responsabilidade Social Corporativa. Colaboramos de forma directa con asociacións cun enfoque integral, tratando de responder ás necesidades da sociedade de maneira conxunta: apoio á investigación, compromiso coa saúde, atención sociosanitaria ou integración social de colectivos desfavorecidos, entre outras.
No marco desta responsabilidade global, mantemos un apoio continuo á AECC, no seu afán de visibilizar o cancro a través de accións concretas en diferentes localidades, como marchas solidarias ou campañas de captación de fondos, dirixidas a poñer en evidencia a importancia da prevención e a detección precoz e a conseguir tratamentos máis eficaces a través da investigación.
Tamén estamos á beira doutras entidades relacionadas con esta enfermidade, como Asotrame (Asociación Galega de Afectados por Transplantes Medulares e Enfermidades Oncohematolóxicas), Cancer Research Innovation Spain (CRIS) ou a Asociación de Axuda a Nenos Oncolóxicos de Galicia (ASANOG). Así mesmo, prestamos apoio á Fundación NARU, centrada, entre outras cuestións, en mellorar o acceso ao mercado laboral de pacientes oncolóxicos ou coidadores que teñen que reorientar a súa carreira profesional.
