Continuamos avanzando na estratexia de sustentabilidade, que vira ao redor da circularidade e aplicamos de forma transversal en toda a cadea de valor. Unha estratexia que volveu a recibir neste 2023 o respaldo do selo “De Residuos A Recursos: Zero A Vertedoiro” de Saica Natur. Esta prestixiosa certificación, auditada pola compañía de verificación TÜV SÜD, acredita que damos unha nova vida ao 97,85% dos residuos que xeramos na plataforma loxística central de Betanzos.

A xestión responsable dos residuos, a eficiencia enerxética, a optimización loxística e o impulso á produción sostible e de proximidade son os catro piares do noso modelo de negocio 100% sostible.

Máis de 7.200 toneladas de papel e cartón pechan de novo o seu círculo nos Supermercados Gadis, transformadas en 42 millóns de caixas reciclábeis, que utilizamos para trasladar mercadoría, así como na repartición dos pedidos a domicilio. 

Tamén convertemos máis de 572 toneladas de polietileno de baixa densidade transparente en preto de 2,6 millóns de m2 de filme estirable, con posibilidade de novas utilidades, para cumprir o noso propósito de reciclar e reutilizar plástico. E, cos residuos de plástico que non se poden valorizar, conseguimos producir o equivalente ao consumo anual enerxético de 83 fogares. Estas cifras son o resultado do proxecto de xestión orientado ao “Residuo Zero”, que desenvolvemos en colaboración con Saica Natur.

Desde GADISA retail promovemos a sustentabilidade desde unha perspectiva triangular: económica, social e ambiental. Unha visión que nos leva a establecer novas metas cada ano para aumentar o impacto positivo que xeramos na nosa contorna.

Un destes propósitos é reducir ao máximo a pegada ambiental derivada do desenvolvemento da nosa actividade, por iso é polo que estamos satisfeitos por seguir recibindo o aval deste selo que distingue ás organizacións cos máis altos estándares de calidade na valorización de materiais, incluíndo os orixinados nos diferentes procesos de reutilización e reciclaxe.

Destacamos tamén que no propio concepto dos Supermercados Gadis está a mellor forma de evitar a utilización de plásticos e outros materiais: a atención personalizada no mostrador tradicional permite reducir o uso de envoltorios e fomenta a compra responsable, propiciando que os clientes axusten a cantidade de produtos ás súas necesidades, o que favorece unha redución do desperdicio alimentario. Así mesmo, as bolsas das sección de produto fresco son 100% biodegradables, compostables, reciclábeis e reutilizables.