Reforzamos a nosa presenza en Valladolid coa apertura do supermercado número 17 na cidade e o 23º da provincia. Unha vez máis, eliximos o Paseo de Zorrilla, onde xa contamos con outro punto de venda.

 A apertura do novo supermercado supón un impulso á creación de emprego de calidade: 42 novos profesionais incorpóranse ao noso equipo humano para proporcionar unha atención diferencial, principalmente, nas seccións de produto fresco: peixaría, carnicería, chacinería, froitaría e panadería.

 Con máis de 1.900 m2 de superficie total de modernas instalacións, o novo Gadis conta cun amplo fornecido de máis de 10.000 referencias para dar maior capacidade de elección aos clientes. Esta ampla proposta inclúe frescos de calidade, primeiras marcas a prezos competitivos, unha variedade equilibrada da marca propia IFA, e opcións veganas, ecolóxicas, sen glute e produtos a granel.

Comodidade, accesibilidade e sustentabilidade

Deseñamos o supermercado priorizando a accesibilidade e as distintas seccións están configuradas de tal forma que permiten aos clientes realizar unha compra cómoda e rápida. Ademais, seguimos estritos parámetros de sustentabilidade ambiental, primando a eficiencia enerxética con avanzados sistemas de iluminación e climatización.

Os clientes poden facer as súas compras nun amplo horario ininterrompido, de 9:30 a 21:00 horas, de luns a sábado, así como na tenda en liña www.gadisline.com. O punto de venda dispón de servizo a domicilio.

Política de aforro para os clientes

Ademais, pensando sempre nos clientes, mantemos unha política activa de aforro que se reflicte en prezos axustados e vantaxes continuas, como as Oportunigadis diarias, as ofertas semanais e os cupóns de desconto da app Gadis+. Tamén prestamos apoio a través de vantaxes ás familias numerosas e un agasallo de benvida aos recentemente nados.