Contrataremos a máis de 1.000 persoas de cara ao verán. O obxectivo é seguir prestando o mellor servizo aos clientes ante o aumento de actividade que se prevé nos próximos meses.

O proceso de selección xa empezou e os perfís que demandamos diversos, tanto para os Supermercados Gadis como para as áreas de loxística e almacén das plataformas situadas na nosa sede central do Polígono de Piadela (Betanzos) e na de Medina del Campo. A presentación das candidaturas pódese realizar a través do portal de emprego empleo.gadisa.es.

Cursos de formación ocupacional

Impartimos cursos de formación ocupacional ás persoas que se incorporan ás seccións de produto fresco, principalmente. O fin é que poidan adquirir un maior desempeño profesional e garantir a mellor atención aos clientes, tendo en conta que fomentamos a venda asistida en mostrador tradicional para unha mellor experiencia de compra.

Atraer novos talentos con perfís especializados é unha das nosas prioridades. Somos a empresa do sector que máis emprego xeramos na comunidade galega. Pechamos 2025 con máis de 9.000 traballadores.

Crecemento persoal e profesional

Desde o departamento de Recursos Humanos poñen en valor a nosa cultura corporativa para o crecemento persoal  e profesional do equipo humano, destacando a oportunidade que supón esta oferta de emprego para os próximos meses. Unha oferta que, cada ano, increméntase nos meses de verán. Durante este período en 2025 contratamos 914 persoas mentres que en 2026 superaremos a cifra de mil contratacións.