Inauguramos un Claudio nas Torres, que daservizo aos numerosos veciños desta zona de Narón, así como aos usuarios do centro de saúde de O Alto, xa que está situado nas súas inmediacións. Cunha sala de vendas de 250 m², o establecemento franquiado ofrece aos clientes uns 2.500 produtos de alimentación, droguería e hixiene, con seccións de produto fresco, incluída charcutería ao corte, alén de servizo de prensa.

Coa proximidade como un dos nosos sinais de identidade, a comodidade do novo Claudio é outra das fortalezas para brindar unha experiencia de compra satisfactoria aos clientes, que teñen ao seu dispor un amplo horario de apertura.

Creación de emprego: 5 postos de traballo

O novo Claudio xera 5 postos de traballo. Un dos valores deste modelo de negocio é axudar a crear comunidade local e fomentar a dinamización socioeconómica da contorna a través do emprendemento e do emprego. Máis de mil profesionais forman parte do equipo humano da nosa franquía, que está implantada, principalmente, en pequenos e medianos núcleos de poboación.

A solidez do crecemento deste modelo

Sumamos 12 establecementos franquiados no que vai de ano: oito en Galicia e catro en Castela e León. Con esta apertura, chegamos aos 263 puntos de venda, dos que 116 son Claudio e 147 Claudio Express.

A franquía Claudio afianzouse como referente no sector da alimentación galega nos últimos anos, nos que rexistrou un importante crecemento. Esta expansión baséase no valor estratéxico que ten entrar a formar parte de GADISA Retail, que opera cun modelo contrastado e apoia ao franquiado en cada etapa do seu proxecto.