GAL
Aseguramos unha subministración eficiente e de calidade a máis de 470 puntos de venda de Galicia, Castela e León, Asturias e Madrid
Ao longo da nosa traxectoria desenvolvemos un modelo loxístico eficiente, con capacidade de garantir o abastecemento en todos os puntos de venda, tendo en conta as diferentes localizacións tanto en núcleos rurais como urbanos e semiurbanos.
O sistema loxístico está deseñado coas características propias para cada operación de abastecemento, e seguindo criterios de sustentabilidade e eficiencia.
En GADISA Retail contamos cunha frota propia de 240 vehículos con diferentes características de capacidade e volume, que nos permiten xestionar as rutas e cargas de forma eficiente. Todos os vehículos dispoñen das mellores tecnoloxías que aseguran a calidade dos produtos e a subministración continua de todas as categorías e en calquera dos nosos establecementos.
