Logo web Gadisa
Logo español

GAL

Icono desplegar idiomas
Icono menu desplegable
Imagen migas de pan

IMPACTO POSITIVO SOCIAL

En GADISA Retail poñemos o noso esforzo no benestar social no centro do noso modelo de negocio e da nosa Estratexia de Responsabilidade Social Corporativa.

Imagen elipse gris impacto positivo social

ACCIÓNS SOLIDARIAS

Colaboramos con ONG e asociacións para fomentar un impacto positivo na nosa contorna. En 2024 apoiamos diversas iniciativas para distintos colectivos vulnerables. Entre outros, traballamos con organizacións como UNICEF, a Asociación Española Contra o Cancro ou os Bancos de Alimentos de Galicia e Castela e León.

Foro “GADIS coas ONG”

Foro “GADIS coas ONG”

Poñemos o foco en fomentar un estilo de vida máis saudable entre a poboación na 4ª edición do Foro GADIS coas ONG. O obxectivo é impulsar a acción conxunta entre empresas e asociacións para dar unha resposta global á sociedade. Reunimos de novo 200 representantes de entidades de Galicia e Castela e León coas que colaboramos e que traballan no ámbito da saúde, o deporte, a formación e a integración. O foro celebrouse na sede do CEIDA (Centro de Extensión Universitaria e Divulgación Ambiental de Galicia).

A compra da túa vida

A compra da túa vida

A nosa clientela de GADIS realizou unha doazón económica de 14 507 euros á Asociación Española contra o Cancro (AECC). Esta recadación é froito da campaña solidaria “A Compra da túa Vida”, que se levou a cabo en todos os puntos de venda da compañía en Galicia e Castela e León. Esta axuda foi destinada á investigación e ao apoio ás persoas diagnosticadas.

Colaboración con UNICEF

Colaboración con UNICEF

Grazas ao Agasallo Azul de UNICEF, GADISA Retail reforzou en 2024 o seu compromiso coa infancia máis vulnerable. Enviamos 4 025 kits de supervivencia, que inclúen 12 075 vacinas contra a polio, sobres de alimento terapéutico e máis de 2,1 millóns de pastillas potabilizadoras, co obxectivo de protexer a saúde de miles de nenos e nenas afectados por conflitos, catástrofes naturais ou a falta de recursos en países en desenvolvemento.

Campaña Alimenta a Amizade

Campaña Alimenta a Amizade

A 6ª edición da campaña Alimenta a Amizade rexistrou un récord coa distribución de 80 727 quilos de produtos de alimentación e hixiene entre 72 protectoras e refuxios de animais en Galicia e Castela e León. Esta iniciativa solidaria reflicte o compromiso de GADIS e da súa clientela co benestar animal.

Imagen elipse gris impacto positivo social

DOAZÓN DE ALIMENTOS

Pola natureza da nosa actividade, en GADISA Retail sentímonos comprometidos coa loita contra a fame. A través de diversas accións solidarias, esforzámonos en proporcionar apoio alimentario a quen máis o necesitan.

Imagen donación de alimentos

DOAZÓN DE ALIMENTOS

Pola natureza da nosa actividade, en GADISA Retail sentímonos comprometidos coa loita contra a fame. A través de diversas accións solidarias, esforzámonos en proporcionar apoio alimentario a quen máis o necesitan.

12ª edición “Maio Solidario”

En 2024 conseguimos reunir máis de 150 000 quilos de alimentos. Nesta edición aumentamos a nosa propia achega ata os 30 000 quilos para facer fronte ás necesidades actuais dos bancos de alimentos. A isto hai que engadir os 49 873 euros doados pola nosa clientela entre o 2 de maio e o 1 de xuño, nos diferentes puntos de venda das dúas comunidades autónomas.

A Gran Recollida

Grazas á solidariedade da nosa clientela e ao esforzo dos nosos equipos, logramos recadar máis de 96 000 euros e 233 000 quilos de alimentos no ano 2024. Esta iniciativa en colaboración coa Federación Española de Bancos de Alimentos (FESBAL) que levamos a cabo desde hai dez anos nos nosos supermercados GADIS.

Imagen elipse azul impacto positivo social otras iniciativas

OUTRAS INICIATIVAS

OUTRAS INICIATIVAS

Apoio a Aspace Coruña

Asinamos un convenio con ASPACE para apoiar o innovador proxecto de alimentación texturizada que desenvolve a asociación e que permite mellorar a alimentación das persoas con problemas de disfaxia (dificultade para tragar bebidas e/ou alimentos). A iniciativa é unha ferramenta que confecciona unha gran variedade de pratos saudables, seguros, apetecibles e de calidade nutricional.

Proxecto de integración social “Bosque GADIS”

Un proxecto de integración social e conservación da biodiversidade que levamos a cabo en colaboración con Amicos. Persoal das Ecobrigadas da entidade plantou 300 bidueiros para rexenerar de forma natural unha parcela no municipio de Curtis, empregando especies autóctonas de Galicia.

Obradoiros de cociña para persoas maiores

Sumámonos ao Grupo Nove, FAMYC e Afundación para participar nos obradoiros celebrados en 8 cidades galegas. Baixo o título “Cociña +60. Receitas de vida", estes obradoiros contaron coa participación de cociñeiros do Grupo Nove que suman 14 estrelas Michelin e 28 soles Repsol. Máis de 200 maiores participaron nestas actividades.

Imagen otras iniciativas

APOIO Á SOCIEDADE

Traballamos xunto a organismos gobernamentais, socios do terceiro sector, organismos deportivos e culturais e unha ampla gama de organizacións especializadas no seu ámbito de actividade para fomentar unha sociedade máis próspera, con conciencia social e diversa. En GADISA Retail queremos formar parte da nosa comunidade e participar activamente en todos os eventos relevantes que ocorren ao noso redor. Por isto, apoiamos accións solidarias, culturais e deportivas. Ademais, promovemos o desenvolvemento local e a colaboración institucional.

Imagen lista apoyo a la sociedad

COIDAMOS DO NOSO EQUIPO

O noso compromiso comeza con coidar do benestar de todos os nosos profesionais.

Ver máis

Flecha link
Imagen lista apoyo a la sociedad

COMPROMETIDOS COS NOSOS CLIENTES

Traballamos para mellorar a satisfacción da nosa clientela.

Ver máis

Flecha link
Imagen lista apoyo a la sociedad

SOMOS CULTURA

Apoiamos a cultura en todas as súas expresións, desde música ata o cinema, a arte e as festas populares.

Ver máis

Flecha link
Imagen lista apoyo a la sociedad

SOMOS DEPORTE

Comprometémonos a fomentar un estilo de vida activo e saudable mediante diversas colaboracións e patrocinios deportivos.

Ver máis

Flecha link